اللا تاعالا ءار ادامنىڭ ريزدىعىن قامداۋشى

 

ەشبىر ادام وزىنەن باسقا ادامداردىڭ ريزدىعىن جەپ كەتپەيدى، اركىم ءوز ريزدىعىن تاۋسىپ بولماي ولمەس. بالالارىڭدا ءوز ريزدىعىمەن كەلەدى، ولار سەنىڭ ريزدىعىڭا ورتاق بولىپ، سەنىكىن جەمەيدى. ريزدىق حاقىندا كوپتەگەن ادامدار اراسىندا ۇلكەن قاتە تۇسىنىكتەر بار، اللا تاعالا پەندەلەرىنە وزدەرىنىڭ ريزدىعى تۋرالى ەش الاڭ بولماۋىن جانە ولاردىڭ ريزدىعىن ءار كۇنى بەرىپ تۇراتىندىعىن ايتادى.

 

اللا تاعالا «مەن ەرتەڭ ەتەر قۇلشىلىعىڭدى بۇگىن سۇرامايمىن، بىراق سەندەر ەرتەڭگى ريزدىعىڭدى بۇگىن سۇرايسىڭدار! بۇل عانا ەمەس، سەندەر كەلەر ءبىر اپتالىق، ءبىر ايلىق، ءبىر جىلدىق، ءتىپتى ءبىر عۇمىرلىق ريزدىقتارىڭدى سۇرايسىڭدار!» دەيدى. يتتەرمەن مىسىقتاردان «سەندەر قالاي ءومىر ءسۇرىپ جۇرسىڭدەر؟» دەپ سۇراساڭدار ەتتى، ولار سەندەر سياقتى ساۋدا ىستەپ، ەگىن ەگىپ نەمەسە باقشا سۋارىپ جۇرگەنىن كوردىڭدەر مە؟ ولار اۋشىلىق ىستەيمە نەمەسە ءبىر كاسىپ ىستەپ جۇرمە؟ ولاردا دۇكەن نەمەسە بيزنيس بارما؟ جوق، بۇلاردىڭ ەشقايسىسى ولاردا جوق، ولاردىڭ ەشتەڭەسى جوق. ەندەشە، ولاردىڭ قالايشا امان-ەسەن ءومىر ءسۇرىپ جۇرگەنىنە تاڭعالمايسىڭدار ما؟ تاعى باسقا نە سۇراۋ كەرەك؟ ەگەر كىمدە-كىم ءوزىنىڭ ريزدىعى جايلى كۇماندا بولسا، بۇل ونىڭ اللا تاعالانىڭ ءار پەندەسىن ريزدىقپەن قامداي الاتىن قۇدىرەتىنە شاك كەلتىرىپ، كۇدىك ارتاتىندىعىن بىلدىرەدى.

 

ماسەلەن، بۇندا 100 ادام بار، ونىڭ بارلىعىن اللا تاعالا جىبەرگەن ءارى ولاردىڭ ريزدىقتارىن دا وسىندا جازعان، ودان اركىم وزىنە ءتان بولىگىن الادى. پايعامبارىمىز «ەكى كىسىگە دايىندالعان اس ءتورت كىسىگە جەتەر، ءتورت كىسىگە دايىندالسا سەگىز كىسىگە جەتەر، ون كىسىنىكى جيرماعا جەتەر، ادام كوپ كەلگەن سايىن اللا تاعالا ونىڭ بەرەكەسىن ارىتتىرا بەرمەك» دەيدى. سوندىقتان، ءۇي يەسى كەلگەن قوناقتارىما بەرەر اسىم جەتپەي قالارما دەپ ويلاپ الاڭ بولماسىن، ول جەتكىزە الماعانىمەن اللا تاعالا بارلىق پەندەلەرىنە جەتكىزەرى حاق.