قاسيەتتى پايعامبارىمىز «مۇسۇلمانداردى مەنەن سوڭ ادىلەتتى حۇلافا راشيديندەر، حاليفالار، پاتشا-سۇلتاندار، ودان سوڭ زۋلىمدار بيلەيدى، ەڭ سوڭىندا، اقىرزامان تىم جاقىن قالعاندا مەنىڭ اۋلەتىمەن ال-ماحدي قازرەتى شىعىپ بيلەيدى.» دەگەن ەكەن. مۇسۇلمانداردىڭ سوڭعى حاليفاسى 700 جىلداي بيلىك قۇرعان وسمانلىلار ەدى، ولار 1922-جىلدار اينالاسىندا قۇلادى دا، مۇسۇلماندار باسسىز ياعني حاليفاسىز قالدى، ونىڭ ورنىنا ءار جەردە ءارتۇرلى زۋلىمدار بيلىككە كەلدى، ءار جەردە باسقالار مۇسۇلماندارعا قويعا شاپقان قاسقىرشا اۋىز سالدى، قازىرگى ءبىزدىڭ كەز وسى زۋلىمداردىڭ بيلىك قۇرعان كەزەڭىنە تۋرا كەلەدى، بۇعاندا 100 جىلدىڭ ارى-بەرى جاعى بولدى. زۋلىمدىقتار زامانىنىڭ بىتەر ۋاقىتىدا تىم تاياۋ، ەندى كۇتەتىنىمىز قازىرەت ماحدي (قازاقتار ايتاتىن ءمادى) زامانى، ۋاقىتپەن جاعدايلار ونىڭ كەلۋىنە قاراي ىڭعايلانا باستاعانداي. وسمانلىنىڭ كەزىندەگى سۇلتانى ءابدۇل حاميد قازىرەتى ءوزى سۇلتان ءارى اسقان سابىرلىلىعىمەن اۋليەلىككە جەتكەن ەدى، وندا جەتى اۋليەنىڭ كۇشى بار سۇلتان دەلىنەدى، وسى قازىرەتى سۇلتان «وسمانلى كەتەدى، قۇلايدى، ءبىزدىڭ كەتۋىمىز ماحديگە اشىلاتىن ەسىك، ءبىز كەتپەي ول كەلمەيدى، اقىرزامان تايادى. كوشەدەگى قالىڭ بۇلىكشىنىڭ ەڭ الدىندا تۋ ۇستاپ كەلە جاتقان جارلى كەيىپتەگى ادامدى ەشكىمىڭ تانىمايسىڭدار، ول قازىرەتى قىزىر الەيحيسسالام، ماعان وسمانلىنىڭ ۋاقىتى تايادى دەپ حابار بەردى. پاشالارىم سەندەر ەشكىمدى ولتىرمەڭدەر، اتپاڭدار، ولاردى ەركىنە جىبەرىڭدەر. بارلىعىدا اللا تاعالانىڭ قالاۋى.» دەيدى.